المشاركات
خلاص يا جماعة،،الموضوع مابقاش يتسكت عليه،،
شباب وبنات أخلاقهم منعدمة وقلنا ماشى،،
ناس عدوا الخمسين سنة ومش ناويين يتوبوا هما احرار،،
لكن أطفال أقل من 6 سنوات يبقى فى حاجة غلط بجد،،
أنا نفسى أتعامل مع طفل يحسسنى بطفولته وبرائته
اكلمه من غير ما يرد عليا الكلمة عشر كلمات
أنا فاكرة اننا كان كل اهتمامنا باللعب وبس
دلوقت الأطفال بقى ليهم اهتمامات تانية خالص
هقولكم أمثلة...
كنت عند واحدة صاحبتى ودخلت غرفة اختها الصغيرة عندها 6 سنوات
لقيت جدران الغرفة كلها صور لمهند التركى
حاولت اقنعها اننا مينفعش نحب الناس دى
لكن ولا حياة لمن تنادى،،
حاجة تانية...
فتحت شنطة الحضانة بتاع بنت خالتى عندها 4 سنوات
لقيتها شايلة فيها علبة الماكياج بتاع مامتها
مش عارفة الصراحة لما تدخل الجامعة هتشيل ايه فى شنطتها،،
حاجة تالتة...
حتى أختى ،،أختى اللى متربية على ايدى
لقيتها ف يوم راجعة من الحضانة وبتقولى حاجة غريبة جدا
صاحبها ف الحضانة بيقولها تتجوزينى يا ايمان!!!
وطبعا يا جماعة بما ان اختى بنت محترمة وعاقلة ردت عليه رد مقنع جدا
ازاى هنتجوز وانت مش عندك بدلة وأنا مش عندى فستان أبيض؟؟
طبعا أفحمته ومقدرش يرد،،
بجد انا مش عارفة ايه السبب ف اللى بيحصل دا
لازم نتصرف قبل ما فئة الأطفال تختفى من مجتمعنا،،
بسيطة يا دكتور
ردحذفهارد ديسك عليه كله اغانى
لما يجى يشتغل هيشغل ايه
قرآن
طبعا اغانى
الاطفال كده
هاردات فاضية
انتوا مليتوها 150 حلقة من مهند
هتحب مين
طبعا مهند
===مليتوها الحاج متولى مليتوها اقلام
مليتوها تعاملات خطأ بي الاب و الام
هيبقا الوضع ايه
طبعا الاناء ينضح بما فيه
بصى يا دكتور
هى معادلة واضحة زى الشمس
تربية + اعلام ______> شخصية بنى آدم
صح يبقى صح
غلط يبقى غلط
وبس
عولمة وانفتاح + تخلف = ضياع
ردحذفيعنى همه هيجيبوا الكلام ده منين؟؟
ردحذفأكيد مننا إحنا
من كلامنا قدامهم
من التلفزيون
من مدرستهم
لازم نعرف إن عصر الطفولة البرئية بينتهى عند نهاية العام الثانى
يابنتى عصر البراءه ولى
ردحذفاحنا نفتقد التربيه لأولادنا وبشده
المشكله مش فيهم ولا فى الاعلام ولا فى الاهل بس
دا فى المجتمع كله
التربيه ساعات بتبقى موجوده وبشكل رائع ويخرج للمجتمع يصطدم بواقع غريب
حاجات كتير بتدور فى الدايره
اخلاق مغيبه وعقول فى البلالا وكده
بس رد ايمان اختك جامد يا دكتورتنا
فكرينى لما اشوفها احضنها اوى على ردها
بت ذكيه صحيح
دمتى مبدعه
هى لسه هتختفى
ردحذفما اختفت واللى كان كان
دلوقتى بقه عايزين نرجعها
أزال المؤلف هذا التعليق.
ردحذفنعم عفن المجتمعِ يلوثُ صفحات الاطفال البيضاء
ردحذفولكن لا ننسي أن النبي صلي الله عليه وسلم كان يقوم بالمهمة التربوية في مجتمعٍ عفنٍ أيضاً
فقط نحتاجُ إلي همم تربوية عالية
نحتاجُ إلي حضن المعلم والاب والام والاخ الكبير يحصن الطفل فكريا وتربويا واخلاقيا من العفن المحيط
ويغرس فيه الحق غرساً قويا لا يتزعزع
يعرفه الباطل بصوره وأشكاله -حسب سنه- تعريفاً لا مواربة فيه
والمحزن أنني اتحدث عن علو الهمة التربوية في زمنٍ عزّ فيه من يري التربية غير طعامٍ وشراب ومسكن
وأعتذر لكم إن قلتُ الحقيقة المرة أن التربويين في هذه الأيام -إلا من رحم الله- لا يصلحون سوي مربوا بهائم.. مطعم وملبس ومسكن ومال.. فقط الاحتياجات التي يتساوي فيها الانسان مع الحيوان
بوركتم
ولكم وافر التحية
هيا فعلا ظاهره الاطفال مبقوش زى الأول
ردحذفبس دا برضه بسبب اختلاف البيئهالمحيطه زى الميديا
بانواعها سواء مرئيه أو مسموعه أسلوب التربيه حتى بقى
مختلف .. يعنى مهند دا مثلاً إيه اللى يخلى طفله صغيره تعرفه إلا اذا كان فى بيتهم بيتفرجوا على المسلسل
طفله معاها علبة مكياج اكيد شافت مامتها وهيا بتحط منه
احنا اللى بتعود أولادنا على الصح والغلط بتعاملنا
معاهم حتى لو من فير قصد
:)
السلام عليكم
ردحذفلأن المجتمع مبقاش زى الأول
وبالتالي الأطفال فهم شريحة من المجتمع
والا هل الشباب زي الأول وهل الشيوخ زي الأول
هههههه
ردحذفده اذا كانوا اطفال اصلاً
الأطفال دلوقتى مبقوش اطفال خالص
النت و الكمبيوتر نطقهم و عرفهم و لحلحك و حركهم
و غير عاداتهم للاسوء
مع الأسف الشديد
دى او ل زيارة لمدونتك
ردحذفعجبنى طريقة عرضك للمواضيع جدااا
ويسعدنى دعوتك لزيارة مدونتى الصوتية
(راديو العرب الحر)
تحياتى وتقديري واحترامي